न्यूज सम्बाददाता
टीकापुर, ३० असोज
सुदूरपश्चिम प्रदेशको अन्नको भण्डार मानिने कैलालीमा यो वर्ष समेत धान उत्पादनमा कमी आउने प्रारम्भिक अनुमान गरिएको छ ।
यस वर्ष कैलालीमा ७० हजार मेट्रिक टन धान उत्पादनमा कमी आउने प्रारम्भिक अनुमान गरिएको छ ।
कुल उत्पादनको २० प्रतिशत अर्थात ७० हजार मेट्रिक टन धान उत्पादनमा कमी आउने अनुमान गरिएको हो ।
यसवर्ष दशैंको दिनदेखि लगातार ६ दिनसम्म परेको अविरल बर्षाका कारण कैलालीमा पाकेको धानबालीमा ठूलो क्षति पुगेको छ ।
किसानहरू धान भित्रर्याउ
ने तरखर गरिरहेका बेला आएको बर्षाले जिल्ला का केही ठाउँमा पूर्णरूपमा र केही ठाउँमा आंशिकरूपमा धानबालीमा क्षति गरेको छ ।
गत बर्ष पनि कार्तिक पहिलो साता आएको बेमौसमी बर्षाका कारण कैलालीमा झण्डै ५० प्रतिशतभन्दा बढी धानबाली पूर्णरूपमा नष्ट भएको थियो ।
गत बर्ष करिब ४ अरब ६३ करोड रूपैयाँभन्दा बढीको क्षति भएको कृषि ज्ञान केन्द्र कैलालीका प्रमुख खगेन्द्र शर्माले बताएका छन् ।
गत वर्षको तुलनामा यसबर्ष भने निकै कम क्षति भएको शर्माले बताएका छन् ।
मोहना, कन्द्रा र कर्णाली लगायतका अन्य नदीले प्रत्यक्ष असर पार्ने क्षेत्र मा पूर्णरूपमा धानबाली नष्ट भएको छ भने अन्य ठाउँमा आंशिकरूपमा क्षति भएको शर्माले बताए ।
नदीको तटीय क्षेत्रमा लगाएको धानबाली डुवानमा परेर पूर्ण नष्ट भएको र अन्य ठाउँमा धान भिजेको हुँदा सुकाएपछि काम लाग्ने जनाइएको छ ।
कैलालीमा प्रत्यक बर्ष ३ तीन लाख मेट्रिक टन भन्दा बढी धान उत्पादन हुने गर्दछ ।
अघिल्लो बर्ष ७८ हजार हेक्टर क्षत्रफलमा धान लगाइएको थियो भने करिब साढे ३ लाख मेट्रिक टन भन्दा बढी धान उत्पादन हुने अनुमान गरिएको थियो ।
बर्षा हुनु अगावै करिव १४ हजार ४ शय १५ हेक्टरमा लगाएको धान मात्र किसानले भित्रर्याएका थिए । आंशिक र पूर्ण क्षति गरी करिब ४ अरब ६३ करोड रूपैयाँ बढीको क्षति भएको थियो ।
